افضل انواع بروتين الشعر احسن الماركات واسعارها

الجمال والعناية بالشعر والبشرة انوثتي
بقلم: مريم أحمد
في مقالتنا النهاردة علي موقعك موقع انوثتي هتكلم معاكي عن بروتين الشعر وهقولك علي شوية أسرار مهمة عنه وشرحلك كل حاجة ممكن تحتاجي تعرفيها عنه
ركزي بقي معايا علشان هشرحلك أفضل الأنواع الموجودة  واسعارها ومميزات كل منتج وأماكن بيعها علشان لو استخدمتي نوع مش مناسب او تقليد مش أصلي هتضيعي كل تعبك ومجهود وفلوسك علي الأرض

افضل انواع بروتين الشعر واسعارها:

طبعا كتر الأنواع الموجودة في السوق بتخليكي في حيرة ولكن خديها قاعدة " أفضل بروتين = زيرو فورمالين "
يعني أيه؟ .. يعني لازم يكون البروتين اللي هتشتريه مفيهوش أي فورمالين علشان يكون آمن علي شعرك ويدي نتائج ممتازة 
فيه منه اشكال و أنواع مختلفة برازيلي او امريكي او غيره، يلا بينا نعرفهم ونعرف الفرق منهم

1- بروتين ثيرابي البرازيلي:

protein therapy
النوع ده من أفضل الأنواع في العالم و هو اول نوع في العالم بتقنية النانو تكنولوجي ثيرابي و الوحيد المصرح به من منظمة الصحه العالميه FDA ووزارة الصحه الكويتية 
ليه بقي بروتين ثيرابي "protein therapy" ده كويس ؟
>> لأنه بيحتوي على مواد الكيرياتين و الكافيار و الكشمير و الحرير و القمح و الأرز و الصويا بالاضافة الى زيت الأرجان والأرجين الغني بالأحماض الامينية، كل المواد دي مهمة جداً لتغذية الشعر و الحفاظ عليه، والشرط اللي اتفقنا عليه في البداية انه يكون خالي من الفورمالين 
طيب نسبة فعاليته قد ايه؟؟
>> بتترواح نتائجه وفعاليته بين 75% و 95% ودي تعتبر نتيجة ممتازة جداً
طيب مفعوله هيستمر قد أيه؟؟
 >> اذا استخدمتيه صح واتبعتي كل التعليمات والإرشادات هيستمر مفعوله معاكي من 3 إلي 6 شهور
طيب أيه الشعر المناسب اللي المفروض استخدمه معاه؟
>> النوع ده مناسب لجميع أنواع الشعر حتي الشعر الأفريفي المجعد الخشن والشعر الخفيف الضعيف علشان بيقلل تساقط الشعر وبيساعد في سرع نموه ويديله شكل لامع وجذاب

2- ماركوجا المعالج:

maracuja therapy
البروتين ده كويس جدا بردو وده منتج برازيلي بيساعد علي فردة بنسبة تصل لـ 95 %
 لانه يمتلك أفضل و احدث انواع التقنيات في علاج الشعر (النانو تكنولوجي بالاضافة الى الماركوى marquee) وهما دول المسئولين عن تخلل العلاج فى مسام الشعر وفى خصلاته بسهولة و كفاءة .
طبعاً البروتين ده آمن جدا علشان بردو زيرو فورمالين و مناسب لمختلف انواع الشعر و الاعمار للكبار و الصغار، منتج مغذي قوي للشعر هيخليه حرير، سميك، و صحي و يحارب تقصفه و يديه مظهر جذاب

3- ماجيستيك اورجانيك بايو البرازيلي

majestic organic
majestic organic
النوع ده كويس جدا بردو وبيناسب الشعر المقصف والشعر الهايش والشعر الخفيف و هالشي لانه متكون من تركيبة فعالة 100% من المواد الطبيعية 
بيدي نسبة فرد تصل الي 90% وبيعالج الشعر التالف الخفيف وبيقضى على التقصف فى نهايات الشعرة و الهيشان و يمنع التساقط 
بيعمل ريحة جميلة جدا في شعرك يعني هيبقي شعرك بيلمع وجميل وجذاب

4- سيلكي بايو الأمريكي Silky Bio Treatment

Silky Bio Treatment
Silky Bio Treatment
من احسن و افضل الانواع المناسبة خاصة للشعر الافريقي التالف والشعر الباهت والشعر الخشن والشعر المجعد ، ده لأنه منتج ممتاز يحتوي على كثير من الأحماض الأمينية المغذية بالإضافة الي الكولاجين و زيت الارجان و فيتامين E و خالي تماماً من الفومالين 👍
ولكن!! رغم فعاليته العالية إلا إن نسبة فرده للشعر مش عالية اوي لكل انواع الشعر وده بيرجع لاختلاف عدد الاستخدام و التكرار.

ايهما افضل…البروتين الامريكي ام البرازيلي؟

الأنواع كتيرة جداً وانا اختصرت واتكلمت معاكي النهاردة عن الأشهر 
طيب أيه الأفضل؟ 
بصي يا حبيبتي متخصصي التجميل بيفضلوا البروتين الأمريكي علي البروتين البرازيلي
ولكن رأيي أنا ان أي بروتين عندك بيتوفر فيه الشروط اللي اتكلمنا عليه وخالي من الفورمالين هيكون كويس جداً واستخدميه بدون تردد 

أماكن يمكنني شراء المنتج الاصلبي لبروتين الشعر

دلوقتي المنتجات دي متوفرة في جميع الدول العربية هتلاقيها متواجدة في الصيدليات في مصر وممكن تشتريها اونلاين من سوق.كوم 

كيف نفرق بين البروتين الاصلي و البروتين التقليد؟

فيه فروق وإختلافات ظاهرة على العبوة من بره تقدري تعرفيها قبل حتي ما تشتري المنتج، و وفيه فروق واختلافات خفية مش هتكتشفيها غير بعد الشراء لما تيجي تستخدمي المنتج
  • الاختلافات الظاهرة:
زي ما انتي شايفة فيه فروق واضحة بين الأصلي والتقليد تقدري تفرقي بينهم لو ركزتي
الفرق بين الثيرابي الاصلي و التقليد
الفرق بين الثيرابي الاصلي و التقليد

الفرق بين الثيرابي الاصلي و التقليد
الفرق بين الثيرابي الاصلي و التقليد
  • الاختلافات و الفروق الخفية:
  • الأصلي زي ما اتفقنا الاختلافات دي بتكون خفية مش هتعرفيها غير لما تيجي تستخدمي البروتين
    طيب زي أيه؟
    -  البروتين الأصلي بيكون خفيف شوية، أما المقلد بيكون قوامه سميك ولزوجته عاليه وفيه طبقة كريم عالية
  • - الأصلي ليه وظائف كتيرة في نفس الوقت زي انه بيفرد، بيقوي، بيعالج، بيغذي، بيمنح اللمعان للشعر،  أما التقليد بيفرد الشعر فقط و لفترة قليلة 
  • - الأصلي لا يحتوي على اي نسبة من الفورمالين  أما المضروب بتكون فيه نسبة عالية او بسيطة تضر الشعر.
  • - أخر حاجة السعر: الأصلي يكون اسعاره غالية الى حد ما أما التقليد يباع بأسعار رخيصة.
  • ومتعتمديش علي نقطة السعر دي علشان ممكن تشتري المنتج المضروب بتمن الغالي يبقي اتنصب عليكي من الناحيتين 💔😂

وبكه تكون مقالتنا انتهت النهاردة سعدت بمتابعك موقعي أنا مريم أحمد وفي حالة وجود استفسار عن أي حاجة تقدري تسيبي تعليق وانا هرد عليكي علطول

مريم احمد
كاتب المقالة
كاتب ومحرر اخبار اعمل في موقع أنوثتي .

جديد قسم : العنايه بالشعر

إرسال تعليق