تعرفي علي أهمية التنظيف العميق للبشرة وكيفية عمله بكل سهولة

التخلص من البشرة الدهنية, تنظيف البشرة,
بقلم : مريم احمد

طبعا كلنا عارفين أن البشرة بتتعرض كل يوم لعوامل تضر بيها جدا، ممكن متحسيش بفرق كبير ولكن مع الوقت هتبدأ البشرة تتأثر بشدة وتفقد بريقها ورونقها الجميل، علشان كده كان طبيعي ان الستات والفتيات في مختلف دول العالم انهم يهتمو بتنضف بشرتهم يومياً عن طريق بعض المنظفات وأقنعة السنفرة 
ولكن السؤال المهم ... هل ده كفاية ؟؟
لا طبعاً مش كفاية لأن الطريقة دي في التنضيف مش بتكون قادرة تشيل كل الحاجات العالقة في البشرة علشان كده جه دور حاجة اسمها التنظيف العميق للبشرة
طبعاً دلوقتي أسئلة كتير بتدور في دماغك 
يعني ايه تنظيف عميق ده؟ .. وبيعمل أيه؟ .. وازاي اعمله؟ .. وأعمله فين؟ 🙆
هجاوب علي كل أسئلتك يا حبيبتي بالترتيب وهقدملك نصائح تانية مهمة كمان عشان تحافظي علي بشرتك بيها

ما هو تنظيف البشرة العميق:

طيب التنظيف العميق ده تقنية بننضف فيها البشرة وبننقيها تنقية شاملة، طبعاً بنوصل للطبقة العميقة للبشرة مش بس السطحية كالمعتاد، بنعمل التنظيف العميق على الوجه والرقبة وأحيانًا على الكتفين والذراعين

اقرأي ايضا:

أفضل الأماكن التي يمكن تنظيف العميق للبشرة بها:

1- ممكن نعمله في عيادة تجميل "وده الأفضل اللي انا شخصيا برشحه" 
2- ممكن نعمله في بيوتي سنتر والمراكز الغير طبية

معدل التنظيف البشرة العميق ومدة الجلسة:

جلسة التنضيف بتكون في حدود من ساعة لـ ساعة ونص، اما بالنسبة للمعدل الليهتنضفي بيه فالأفضل انك تعملي التنضيف ده كل 3 شهور علشان تشيلي اي دهون زائدة في بشرتك وآثار حب الشباب ومع الإستمرار علي المعدل ده لفترة كل الخطوط الرفيعة في البشرة هتزول وهتتأخر علامات التقدم في السن، وتدي البشرة صفاء ونقاء دائم

نصائح يجب تنفيذها بعد التنظيف العميق للبشرة:

طبعا لازم منستخدمش أي مستحضرات تجميل لمدة يوم كامل بعد التنضيف, وكمان منتعرضش لأشعة الشمس المباشرة أو أي حاجة ممكن ترفع حرارة بشرتك ، ويُفضل انك تستخدمي مرطبات للبشرة زي كمادات باردة أو كريم مرطب لحد تاني يوم

أنواع البشرة التي يناسبها التنظيف العميق:

عايزة أطمنك إن التنظيف العميق بيناسب كل أنواع البشرة وألوانها وطالما انك مش بتعاني من أي أمراض جلدية أو مشاكل طبية، ولكن الأنسب بتكون لو بشرتك دهنية "طبعاً مبسوطة انك لاقيتي فايدة أخيراً للبشرة الدهنية 😂💔" 
 أما لو بشرتك من النوع الحساسة يُفضل إنك ترجعي لدكتور الجلدية أو دكتور التجميل بتاعك الأول وتعرفي رأيه ✋

أقرأي أيضاً:

أهم المشاكل التي يعالجها تنظيف البشرة العميق:

  • إزالة حب الشباب وآثاره، والرؤوس السوداء
  • بيفتح لون البشرة ويخليها كلها لون واحد
  • إزالة البقع الداكنة
  • بيزيل الخطوط الرفيعة في البشرة فبيأخر ظهور آثار التقدم في العمر
  • إزالة جميع الشوائب من الطبقات العميقة للبشرة
  • بيدي بريق ولمعان جميل للبشرة
  • إزالة الهالات السوداء حول العينين
  • تضييق مسام الوجه
  • تخليص البشرة من الدهون الزائدة
  • بيرطب البشرة كويس جدا خاصة لو بشرتك جافة
  • تنشيط الدورة الدموية

خطوات التنظيف العميق:


  • في الأول الجلسة بتبدأ بتنضيف البشرة عادي بصابون طبي مخصص أو غسول يومي وبعد كده بنشف البشرة كويس
  • تاني حاجة بمعرض البشرة لحمام بخار لمدة 10 دقايق علشان نفتح مسام البشرة ويسهل علينا التخلص من الدهون والرؤوس السوداء، وممكن كمان نستخدم زيوت عطرية خاصة زي زيت النعناع أو القرنفل، وممكن بالمرة كمان نشم البخار المعطر ده لأنه مفيد جداً للجهاز التنفسي
  • بعدا ما فتحنا مسام البشرة علشان نطلع الدهون منها جه الدور ع اننا نغلق مسام البشرة بقي بإستخدام مادة معالجة 
  • بعد كده بنعمل ماسك ترطيب وتبيض لمدة دقايق وبعد كده تغسلي بشرتك كويس بمياة معتدلة او فيها جزء صغير من البرودة .
  • يتم عمل مساج خفيف للبشرة كده علشان نتخلص من التوتر وتنشيط الدورة الدموية، اللي بيدي لون وردي على الوجه.
  • كلمسة أخيرة، ينستخدم الكولاجين السائل أو البوتكس السائل للتطبيق على البشرة لتقليل التجاعيد والخطوط الرفيعة بالوجه.
وبكده تكون مقالتنا انتهت النهاردة أتمني تكون كل حاجة واضحة ليكي ولو عندك أي استفسار سيبيه في تعليق وانا هرد عليكي ❤️

مقالات أخري قد تفيدك:
مريم احمد
كاتب المقالة
كاتب ومحرر اخبار اعمل في موقع أنوثتي .

جديد قسم : العنايه بالبشره

إرسال تعليق