افضل طريقة لتنظيف البشرة في المنزل بأقل التكاليف

تنظيف البشرة بطريقة صحيحة


تعالي اقولك ازاي تنضفي البشره بدون ماتروحي عند بيوتي سنتر او اي كوافير وتدفعي فيه فلوس كتيير عشان نعمل ميك اب على نضافه وبشرتنا صافيه 
كلنا بنبقى فاكرين ان وشنا نظيف لمجرد اننا بنغسله كل يوم بصابون او حتى بغسول .... لكن الحقيقة غير كدة 
احنا كده بنكون بنضف بشرتنا بشكل سطحى مش اكتر لكن سايبين حاجات كتير من جوه مش شايفنها
مسام بشرتنا بتكون مليانة بلاوي بتتراكم يوم بعد يوم .. جلد ميت من عوامل الجو و الشمس.... دهون و زيوت متراكمة فى المسام .... اتربة .... املاح و ترسبات من استخدام الصابون ..... الخ 

اقرأي ايضاً:



الموضوع كله بيتعمل على 4 مراحل :

  • 1- حمام البخار
  • 2- تقشير البشرة
  • 3- غلق المسام
  • 4- الترطيب
نبدأ بأول خطوة (حمام البخار):
هنغلى شوية مايه و نحطهم فى طبق واااسع ... ممكن نحط مع المايه شوية اعشاب زى رشة قرفة ...او شوية نعناع ... او معلقة زيت لافندر .... و ممكن منحطش عادى جداا
نحط فوطه فوق راسنا و نغطى نفسنا بيها و نقرب وشنا من الطبق بحيث يطلع البخار على وشنا كله و فى نفس الوقت الفوطة تمنعه من الخروج
ايه فايدة حمام البخار ده بقاااا ؟
- بيفتح مسام البشرة جدا عشان يكون سهل تنظيف الاوساخ اللى جواها.
- بيدوب الدهون اللى موجودة فى الوش و الانف.
- بيرطب الوش جدااا.
- بيطرى الجلد الميت عشان يهيأ البشرة لمرحلة التقشير.

الخطوة التانية (التقشير) :

تنظيف البشرة بطريقة صحيحة

دى بنعملها عشان نقشر طبقة الجلد الميت اللى على البشرة السطحية و اللى بتكون سبب فى شكل البشرة البهتان و جفافها ..... ممكن يكون معانا نوع صنفرة كويس. 
.. او نعمل صنفرة طبيعية فى البيت (معلقتين سكر ناعم -نقطتين لمون_معلقة زيت لوز او زيتون) 
هندعك وشنا بالصنفرة على هيئة حركات دائرية براحة كدة فى اتجاه واحد لمدة 3 دقايق
مش جامد عشان منجرحش بشرتنا ولا براحة اوى عشان نزيل كل طبقة الجلد الميت
بعد كدة نغسل وشنا بمايه دافيه
بعد الخطوتين اللى فاتوا مسام وشنا بتكون لسه مفتوحة ... و لو سبناها كدة يبقى عملنا تنظيف على الفاضي لأن بمجرد ما نسيبها للجو كل الاتربة و الاوساخ هتدخل جوة المسام تانى ...
عشان كدة لازم نقفل المسام بعد ما نضفناها .... و بنعمل كدة بالتونر أو التونك ....

شرح طريقة عمل تونر طبيعي فى البيت: 

اننا نضع ماء ورد فى قوالب تلج و نضعها فى الفريزر لحد ما تتجمد .... و ناخد مكعب و نمشيه علي بشرتنا كلها عشان نقفل بيه كل المسام و هى نضيفة.

الخطوة الرابعة والأخيرة (الترطيب) :
اخر حاجة هنعملها لبشرتنا هى الترطيب .... اى نقطة كريم مرطب ویا سلااام لو زبده شیا خام 
و نحطه على وشنا عشان نحافظ عليها من الجفاف و بكدة
نبقى عملنا احسن جلسة تنظيف بشرة فى البيت فى أقل وقت وأقل تكلفة.
أنوثتي
كاتب المقالة
كاتب ومحرر اخبار اعمل في موقع أنوثتي .

جديد قسم : العنايه بالبشره

إرسال تعليق